Ish-kryeprokurorja e Prokurorisë Speciale në Maqedoninë e Veriut, Katica Janeva ka marrë 350 mijë euro nga biznesmeni Jordan Kamcev për të mbyllur një rast ky ai ishte nën hetim.
Ky i fundit dha sot dëshminë e tij në Gjykatën e Shkupit. Ai tha se procesi i hapur kundër tij nga Prokuroria Speciale ishte bërë në mënyrë që atij ti zhvateshin gjithsej 8 milionë euro. Në këtë skemë ishte e përfshirë ish-kryeprokurorja Katica Janeva e cila ndërmjetësohej përmes moderatorit Bojan Jovanovski – Boki13.
Sipas Kamçev, regjisorët e këtij rasti janë në gjykatë, duke drejtuar gishtin tek Boki 13, që siç tha ai fillimisht i ka kërkuar reklamim në TV, më pas i ka ofruar një projekt biznesi. Përsa i përket procesit të ngritur ndaj tij, biznesmeni tha se fillimisht ishte njohur nga avokati Vasil Dimishkov, i cili i ka kërkuar 100 mijë euro, për masa më lehtësuese, por të gjitha këto janë refuzuar prej tij.
Kamçev dëshmoi se Boki 13 dhe një biznesmen tjetër, Kiçeç, ishin dy personat e lidhur me Katica Janevën. Kamçev ka thënë se në një rast ka biseduar me telefon në prani të një personi të tretë, ndërsa në takim ka qenë edhe djali i saj, Llazar Janev.
“Një shumë prej 350 mijë eurosh është paguar nga Ana Kamçeva. Bojan Jovanovski i ka futur paratë në një kuti këpucësh dhe këtë dhuratë ia ka dërguar Katica Janevës. 150 mijë euro të tjera i janë dhënë Kiçecit”, tha Kamçev.
Sipas tij, Boki 13 i kishte thënë se duhej të jepte shuma mbi një milionë euro pasi Janeva nuk do të dëgjonte për më pak se kaq. Shuma totale që do të duhej që ai të paguante që të shpëtonte nga akuzat do të ishte 8 milionë euro. /Opinion.al
