Kreu i Partisë Demokratike do të vizitojë sot Kavajën. Kështu shkruan në rrjetin social “Facebook”, ku ndër të tjera tregon se do të jetë në këtë qytet me rastin e 35-vjetorit të rënies së Dëshmorit të Parë të Demokracisë, Josif Budo.
Më pas Berisha shkruan se në orë 10:00, do të vizitojmë shtëpinë e familjes së Dëshmorit të Demokracisë, ku do të pasohet me ceremoninë e inaugurimit të shtatores së Josif Budos në qendër të qytetit. Në fund kreu i PD do të ndalet për një vizitë në Bashkinë e Kavajës.
“Të dashur miq, sot do të jemi në qytetin e Kavajës, me rastin e 35-vjetorit të rënies së Dëshmorit të Parë të Demokracisë, Josif Budo.
Në kuadër të kësaj dite përkujtimore, në ora 10:00, do të vizitojmë shtëpinë e familjes së Dëshmorit të Demokracisë, Josif Budo Në ora 10:30, do të zhvillohet ceremonia e inaugurimit të shtatores së Josif Budos në qendër të qytetit. Dhe në ora 11:30, do të jem në një vizitë në Bashkinë Kavajë”, shkruan Berisha.
