Një tjetër plagosje me thikë ka ndodhur ditën e sotme në vendin tonë. Policia bën me dije se një 35-vjeçar ka goditur me thikë kunatin e tij pas një konflikti për motive të dobëta në Tepelenë.
Sipas policisë, i plagosuri është një 40 vjeçar i identifikuar me iniciale L.SH., banues në fshatin Hormovë, ndërsa autori është R.S., banues në Tepelenë.
I plagosur është transportuar në Spitalin Rajonal Gjirokastër dhe ndodhet nën kujdesin e mjekëve. Autoritetet kanë arrestuar autorin e ngjarjes, i cili po merret në pyetje lidhur me rrethanat që çuan deri në përdorimin e thikës./ Opinion.al
