Kryetarja e Kuvendit Elisa Spiropali ka shkruar një mesazh urimi për 34 vjetorin e themelimit të PS.
Në këtë postim ajo shkruan se prej 12 qershorit 1991, në 34 vjet, socialistët shqiptarë ndërtuan Partinë më të madhe, më progresiste, më demokratike, më të hapur e më europiane, e për këto merita, edhe më fitimtaren e më të suksesshmen në qeverisjen e vendit.
Ajo në këtë postim ka përmendur edhe fitoren e 11 Majit, ku shkruan:
“Fitorja jonë e bukur e 11 majit, ndër shumë të tjera të udhëhequra nga Edi Rama, po e bëjnë Shqipërinë shtëpinë e të gjithë shqiptarëve dhe po e udhëheqin me vizion e vendosmëri të palëkundur drejt familjes europiane”
Postimi i Spiropalit
“Prej 12 qershorit 1991, në 34 vjet, socialistët shqiptarë ndërtuan Partinë më të madhe, më progresiste, më demokratike, më të hapur e më europiane, e për këto merita, edhe më fitimtaren më të suksesshmen në qeverisjen e vendit.
Fitorja jonë e bukur e 11 majit, ndër shumë të tjera të udhëhequra nga Edi Rama, po e bëjnë Shqipërinë shtëpinë e të gjithë shqiptarëve dhe po e udhëheqin me vizion e vendosmëri të palëkundur drejt familjes europiane, ku ne përkasim, për nga rrënja dhe aspirata, për më shumë mirëqenie, drejtësi, standarde, mundësi e barazi, për të gjithë pa dallim. #PS34❤️ #ShqipëriaePara”
