Italia, vijon të jetë shteti më i prekur nga koronavirusi në Europë. Numri i personave që kanë ndërruar jetë pasi janë prekur nga Covid-19 ka shkuar në 34 ndërsa mbi 1577 persona rezultojnë të infektuar.
Lajmi është bërë i ditur nga shefi i Mbrojtjes Civile, Angelo Borrelli, i cili më pas dha lajmin e mirë se 83 persona, të cilët kanë qenë të prekur me koronavirus, tashmë janë shëruar.
Koronavirusi është përhapur në të gjithë botën, por Italia vazhdon të mbetet vendi i tretë më i prekur, pas Kinës dhe Koresë së Jugut.
Përkundër masave të marra deri më tani, ministri italian i Ekonomisë, Roberto Gualtieri bëri me dije se vendi do të prezantojë një sërë masash të tjera në vlerë prej 3,6 miliardë dollarësh, për të ndihmuar ekonominë e vendit që të përballet me krizën e koronavirusit./Opinion.al
