Admir Bokrina, 32-vjeçari shkodran që humbi jetën pas shembjes së urës në Genova të Italisë, kishte vetëm një vit që ishte martuar. Ai jetonte me familjen në Itali, por prindërit e tij prej 10 ditësh gjendeshin në Shqipëri për pushime.
Në media njoftohet se ata kanë tentuar gjatë gjithë ditës së djeshme të komunikojnë me të birin, por telefoni i tij dilte i mbyllur.
Sot prindërit kanë mësuar lajmin e dhimbshëm për humbjen e të birit dhe janë nisur drejt Italisë.
