Marina tajlandeze thotë se 31 marinarë janë zhdukur pasi një anije luftarake me mbi 100 anëtarë të ekuipazhit u përmbys dhe u mbyt gjatë një stuhie në Gjirin e Tajlandës.
Të hënën, autoritetet thanë se kishin shpëtuar 75 persona të ekuipazhit, por 31 të tjerë ishin ende të zhdukur në det.
“Kanë kaluar më shumë se 12 orë, por ne do të vazhdojmë të kërkojmë,” tha një zëdhënës i marinës për BBC.
Ekipet e kërkim-shpëtimit punuan gjatë natës për të gjetur të mbijetuarit, me operacionin që vazhdoi të hënën me ndihmën e forcave ajrore.
Marina njoftoi gjithashtu një hetim për shkakun e katastrofës.
“Kjo pothuajse nuk ka ndodhur kurrë në historinë e forcës sonë, veçanërisht me një anije që është ende në përdorim aktiv,” tha zëdhënësi Admiral Pogkrong Monthardpalin për BBC.
Zyrtarët thanë se anija u rrëzua pasi mori ujë. Ekuipazhi luftoi për të mbajtur kontrollin e anijes e përpara se të fundosej rreth orës 23:30 me kohën lokale të dielën (16:30 GMT).
Anija kishte qenë në një patrullë 32 km (20 milje) në lindje të Bang Saphan, në provincën Prachuap Khiri Khan, kur u përfshi nga stuhia të dielën.
