Një linjë e re trafiku e emigrantëve ka nisur nga Greqia drejt Shqipërisë. Policia greke ka ndaluar në Follorinë dy grek të moshës 28 dhe 27 vjeç si dhe një shqiptar 23 vjeç. Ata po tentonin të fusnin në Shqipëri 31 emigrantë nga Siria dhe Afganistani.
Në karrocerinë e furgonit, që drejtohej nga një qytetar grek, u gjetën 24 shtetas sirianë dhe 7 afganë. 21 prej tyre ishin të mitur. Përpara furgonit ishte dhe një makinë, një mënyrë kjo për të pikasur policinë.
Në makinë ndodhej drejtuesi, një shtetas grek, si dhe shtetasi shqiptar. Të dy mjetet u sekuestruan, ashtu si dhe tre telefona celularë./klan
