Aktualitet

30vite nga rivendosja e marrëdhënieve diplomatike SHBA-Shqipëri,reagon Kim


Bëhu pjesë e Grupit Zyrtar të Opinion.al
>> KËTU <<
               Publikuar në : 12:51 - 15/03/21 |
Opi Nion

Sot shënohen 30 vite nga rivendosja e marrëdhënieve diplomatike midis ShBA-së dhe Shqipërisë.

Në kuadër të këtij 30 vjetori të rivendosjes së marrëdhënieve diplomatike mes Shqipërisë dhe SHBA-së ka reaguar edhe ambasadorja aktuale e SHBA-ve në Shqipëri Yuri Kim.

Nëpërmjet një postimi në rrjetin social “Twitter”, ka shkruar se me rivendosjen e marrëdhënieve, kemi rilidhur zyrtarisht njerëzit e dy vendeve tona.

Ndër të tjer Kim ka sjellë në kujtesë dhe një deklaratë të sekretarit të SHBA-së Baker kur ka vizituar Shqipërinë në 1991 “ Ne jemi me ju dhe ju jeni me ne”, duke e mbështetur atë dhe duke thënë se do të jetë gjithmonë e vërtet.

Postimi i plotë i Yuri Kim në Twitter:

Më 15 Mars 1991, Shtetet e Bashkuara dhe Shqipëria vendosën marrëdhëniet, duke rilidhur zyrtarisht njerëzit e dy vendeve tona. Kur Sekretari i Shtetit Baker erdhi në Shqipëri, ai deklaroi: “Ne jemi me ju, dhe ju jeni me ne!” Kjo deklaratë mbetet e vërtetë sot. Do të jetë gjithmonë e vërtetë. Gëzuar!”

Ndërkohë për 30-vjetorin e rivendosjes së marrëdhënieve SHBA- Shqipëri ka reaguar dhe kryedemokrati Lulzim Basha, i cili ka shkruar se populli shqiptar nuk duhet kurrë të harrojë dhe të jetë mirënjohëse ndaj SHBA.

“30-vjetori i rivendosjes së marrëdhënieve mes Shqipërisë dhe Shteteve të Bashkuara të Amerikës është një mundësi e shkëlqyer për çdo shqiptar, për t’u ndierë krenar për arritjet e mëdha që Shqipëria ka bërë falë mbështetjes së SHBA dhe veçanërisht anëtarësimin e saj në NATO dhe pavarësinë e Kosovës. Ne nuk duhet të harrojmë kurrë dhe duhet të jemi gjithmonë mirënjohës. Ne do të punojmë së bashku me partnerin tonë strategjik, SHBA, që dekada e re të jetë dekada e konsolidimit të demokracisë, sundimit të ligjit dhe e mirëqenies së gjithë shqiptarëve.”

Ambasada e SHBA në Tiranë u hap më 1 tetor 1991, me Kristofer Hill si i ngarkuar me punë dhe i pasuar nga ambasadori i SHBA Uilliam Eduin Rajerson, i cili ia paraqiti kredencialet e tij Qeverisë së Shqipërisë më 21 dhjetor 1991.

Më 11 qershor 1991, ish-Sekretari i Shtetit Xheims A. Bejker III ishte zyrtari i parë i nivelit të lartë i SHBA, që vizitonte Shqipërinë pas periudhës së gjatë të izolimit të vendit. Qysh nga ajo kohë, marrëdhëniet mes dy vendeve kanë progresuar./Opinion.al

Pas