Një çift me shqiptar me shtetësi norvegjeze u kapën në portin e Durrësit teksa kishin fshehur në fuoristradën e tyre një sasi të konsiderueshme ilaçesh. Policia bëri të ditur se Arsim Gashi 43 vjeç, banues në Norvegji, me shtetësi Norvegjeze dhe kombësi Shqiptare është arrestuar. Ndërsa gruaja e tij me F.G. 38 vjeçe po ndiqet në gjendje të lirë. Atyre iu gjet jë sasi e konsiderueshme ilaçesh të llojit “Apaurin Diazepam”, në total 3 030 tableta, 45.450 kokrra.
Mbrëmë rreth orës 21:00, ata janë paraqitur pranë kabinave te kontrollit të Policisë Kufitare PKK Port Durrës për t’u imbarkuar në tragetin e linjës Durrës- Bari, me mjetin tip Ford me targa LS75558 me destinacion përfundimtar Norvegjinë.
Efektivat e Policisë, bazuar në disa dyshime e kanë kaluar mjetin për kontroll më të hollësishëm në Vijën e Dytë dhe pranë Skanerit S2 Albania.
Pas ekzaminimit u konstatuan disa pjesë të dyshimta në makinë tek pjesa e parakolpit dhe mbrapakolpit te saj.
Pas kontrollit të kryer u vu re se në këto pjesë gjendeshin 3 komardare gome të izoluara me tel, brenda të cilave u gjetën ilacet kontrabandë.
