Kryetari i Partisë Demokratike, Lulzim Basha ka kujtuar 30-vjetorin e eksodit të shqiptarëve drejt italisë.
Në një postimi në “Facebook”, Basha shkruan se edhe 30 vite më pas qytetarët shqiptarë vijojnë të ikin nga vendi për shkak të keqqeverisjes.
Kryedemorkati shkruan se largimi i shqiptarëve do të ndalojë kur PD të drejtojë qeverinë, pasi do të krijojë kushte më të mira në Shqipëri.
Postimi i Bashës
Një Shqipëri si e gjithë Europa
30 vite më parë eksodi biblik i shqiptarëve drejt Italisë, shembi njëherë e përgjithmonë murin ndarës mes Shqipërisë dhe Europës. 30 vite më pas, sërish shqiptarët po ikin masivisht nga keqqeverisja që na mban larg Europës dhe nga pamundësia për të ndërtuar jetën në vendin e tyre. Ne do ta shërojmë këtë plagë dhe, siç u mundësuam shqiptarëve të lëvizin pa viza, do t’i japim çdo familjeje shqiptare shpresë dhe mundësi për një jetë më të mirë, një Shqipëri si gjithë Europa./ Opinion.al
