Mes 3.5 milionë shqiptarëve të thirrur për të votuar 30 Qershor në Shqipëri janë në listat e votuesve edhe dy personazhet e njohur italianë Ezio Greggio dhe Al Bano Carrisi.
Këtë fakt e ka bëtë të ditur përmes një shkrimi e përditshmja “Corriere”, kur t’i dalluar që bëhet fjalë pikrërisht për ata, është emri i babait të Greggios dhe Carrisit.
Shqipëria do të zgjedhë kryetarët e Bashkive për 61 bashki në votimet e sotme, të njohura nga Kryeministri Rama, por jo nga Presidenti i Republikës Ilir Meta, i cili i ka shtyrë zgjedhjet me dekret për në 13 tetor, duke bërë që mazhoranca të kërkojë shkarkimin e tij.
Pavarësisht kaosit institucional dhe me praninë e vetëm një kandidati, atë të mazhorancës në gati gjysmat e bashkive, pas bojkotit të opozitës së dhjathtë, Greggio dhe Carrisi janë ftuar të përmbushin detyrën e qytetarit model në këto votime. Moderatori dhe kantautori janë italianë, por gjithashtu shtetas shqiptarë, të dekretuar nga Presidenti si dhe të njohur nga institucionet lokale.
Greggio është bërë shtetas shqiptar në janar të vitit 2015, ndërsa Carrisi në qershor të 2016-s. Për këtë arsye në listat e zgjedhësve shfaqen emrat e figurave të njohura, të pajisura madje me kartën zgjedhore, numrin në lista dhe adresën e qendrës së votimit.
Moderatori historik i emisionit “Striscia la notizia” mund të votojë në Tiranë, në kryeqytet në një shkollë fillore dhe të mesme “Kongresi i Lushnjes” në një nga rrugët që të çon në sheshin “Skënderbej”.
Ndërkohë kantautori Al Bano voton në jug të Shqipërisë ‘vendqëndrimi’ i të cilit është në Vlorë ku mund të votojë në shkollën e mesme “Ataturk”.
Nëse do të vendosnin të votonin, por sipas burimeve ata të dy nuk duhet të jenë në dijeni të kësaj të drejte/detyre që kanë Greggio dhe Al Bano do të gjendeshin në një klimë politike të nxehtë.
E dhjathta që akuzon qeverinë për lidhje me krimin e organizuar si dhe që kanë trukuar zgjedhjet e fundit parlamentare, premton se ‘nuk do të lejojë zhvillimin e zgjedhjeve’ duke bllokuar mes të tjerash përdorimin e hapësirave publike, ose duke sulmuar selitë e komisioneve lokale elektorale.
Ditët e fundit SHBA, OSBE dhe ambasadat më të rëndësishme të vendeve evropiane (duke përfshirë edhe Italinë) kanë kërkuar që ‘procesi elektoral të jetë i garantuar, ashtu siç është e drejta e çdo qytetari për të votuar./Opinion.al/
