Voltana Ademi, kryetarja e Bashkisë Shkodër, ka urdhëruar të gjithë administratën që ditën e shtunë dhe ditën e diel të jenë në punë.
Në njoftimin e publikuar për mediat thuhet e ky urdhër hyn menjeherë në fuqi.
Ky vendim i Bashkisë Shkodër vjen menjëherë pas daljes së presidentit Ilir Meta, i njoftoi se dekreti i ri për zgjedhjet vendore është data 13 tetor.
Por, nga ana tjetër, mazhoranca është vendosur që zgjedhjet e lokale të zhvillohen më 30 qershor.
Urdhri i plotë:
“Mbështetur në Ligjin 139/2015 “Për vetëqeverisjen vendore”, Rregulloren e Bashkisë Shkodër dhe në zbatim të Dekretit të Presidentit të Republikës së Shqipërisë, Nr.11199, datë 10.06.2019 “Për shfuqizimin e Dekretit nr 10298 datë 05.11.2018 të Presidentit së Republikës së Shqipërisë “Për caktimin e datës së zgjedhjeve për organet e qeverisjes vendore”.
Urdhëroj:
1) Caktimin e ditës së shtunë dhe të dielë si ditë pune për të gjthë punonjësit e administratës, njësive Administrative dhe institucioneve në varësi të Bashkisë Shkodër nga ora 07:00 deri në 19:00.
2) Organizimi i punës të përcaktuar nga secila drejtori dhe institucion.
Ngarkohen të gjithë punonjësit e Administratës së Bashkisë Shkodër, Njësitë Administrative (Velipojë, Bërdicë, Gur i zi, Dajç, Rrethina, Ana e Malit, Shalë, Shosh, Pult, Postribë) Institucionet e Varësisë, (Drejtoria e Shërbimit Bujqësor dhe Pyjor, Sportklub Vllaznia, Drejtoria Ekonomike e Kulturës, Drejtoria Ekonomike Arsimit, Teatri Migjeni, Drejtoria Cerdhe Kopshte).
3) Ky urdhri hyn në fuqi menjëherë.”/ Opinion.al E.Xh.
