Partia Demokratike i ka bërë një thirrje institucioneve dhe mediave ndërkombëtare për parregullsitë e konstatuara gjatë procesit të votimit.
Me anë të një postimi në Twitter ata i janë drejtuar institucioneve të Bashkimit Europian, sekretarit të shtetit të SHBA dhe disa prej mediave më prestigjioze në gjithë botën, ku i listojnë disa nga problematikat në zgjedhje.
Këto ata i kanë në formën e një dosjeje me fotografi dhe video që dëshmojnë shkeljet gjatë procesit zgjedhor.
“Partia Demokratike është e shqetësuar për arsyet e mëposhtme:
-Raportime të mbushjes së kutive të votimit me qëllim të rritjen e numrit të votuesve;
-Dhjetëra shërbyes civilë, duke përfshirë mësuesit, mjekët dhe oficerët e policisë, kanë denoncuar se u është bërë presion nga eprorët e tyre të politizuar për të marrë pjesë në mënyrë të detyrueshme në procesin e votimit;
-Individët janë kërcënuar se humbin mbështetjen e tyre të sigurimeve shoqërore dhe përfitimet e papunësisë nëse nuk marrin pjesë në procesin e votimit;
-Prania e pa autorizuar e forcave policore në qendrat e votimit, ka krijuar një presion të pajustifikuar ndaj votuesve;
-Rastet e blerjes së votave me para dhe mbështetje ushqimore;
-Përdorimi i dhunës në hyrje të qendrave të votimit nga persona të paautorizuar të cilët edhe transportonin në kushte të paligjshme materialet e votimit;
-Votimi në grup, dhe në disa raste si në Shkodër, filmimi i fletëve të votimit;
-Abuzimet me listën e votuesve, përfshirë persona të vdekur, emigrantëve etj” shkruhet në deklaratën e Partisë Demokratike.
Denoncimin e plotë të PD e gjeni këtu. /Opinion.al
One Party local elections in Albania: Numerous irregularities identified @EUCouncil @EU_Commission @SecPompeo @washingtonpost @BILD @AFP @cducsubt @BBCWorld @CNN @ReutersWorld@ZDF @EPPGroup @JosephDaul @euronews @zeriamerikes https://t.co/DO3dYuf2NR
— Partia Demokratike (@pdshqiperi) June 30, 2019
