Muaji Shkurt shënoi një rritje të ndjeshme të numrit të vizitorëve dhe netëqendrimeve në hotele dhe struktura të tjera akomoduese, krahasuar kjo me të njëjtën periudhë të një viti më parë.
INSTAT raporton se gjatë muajit të dytë këtij në këto struktura pati 29,9 % më shumë vizitorë. Prej tyre ata jo-rezidentë shënuan një rritje prej 32,2 % dhe rezidentë 26,4 %.
Ndërkohë net qëndrimet u rritën me 34,2 %, ku ato nga jo-rezidentët u rritën me 35,4 %, ndërsa ato nga rezidentët me 32,0 %.
Sa i përket rajoneve INSTAT raporton se rritja më e madhe e vizitorëve jo-rezidentë u shënua në zonat jo-bregdetare me 29,0 %.
Shumica e vizitorëve jo-rezidentë të cilët u akomoduan në strukturat pritëse në Shqipëri vijnë nga Italia dhe pas tyre vijnë ata nga Kosova, Gjermania, Mbretëria e Bashkuar dhe Franca.
Këto të dhëna reflektojnë prirjen e rritjes së turizmit hyrës nga tregjet kryesore të rajonit dhe Evropës.
Gjithsesi pavarësisht këtyre të dhënave norma e shfrytëzimit të dhomave në hotele ra në në 16,5 %, krahasuar me 16,7 % që ishte në Shkurt 2024.
Tv Klan
