Truproja e Meghan Markle ka dhënë dorëheqjen nga puna nga fundmi. Ajo kishte më pak se një vit në këtë detyrë dhe kishte filluar të shoqëronte dukeshën kur po bëheshin përgatitjet e dasmës. Ajo është e treta nga punonjëset që i kanë shërbyer Meghan-it, e cila largohet nga puna brenda dy muajsh.
Fillimisht ishte Samantha Cohen ajo që dha dorëheqjen e para. Samantha ishte sekretarja private e çiftit mbretëror. Ajo kishte 17 vite që punonte pranë familjes mbretërore. Më parë i kishte shërbyer Mbretëreshës si sekretare private dhe si zëdhënëse për shtyp, për t’u dorëhequr kur iu caktua Meghan. Më pas asistentja personale e Meghan, Melissa Touabti, dha dorëheqjen. Ajo punoi me dukeshën për gjashtë muaj. Pas Melissës, truproja e Meghan dha dorëheqjen e rradhës.
Sipas disa burimeve për The Sunday Times, Meghan Markle nuk është mësuar me siguri kaq të lartë. Ajo dëshiron të ketë më shumë liri, megjithatë nuk dihen arsyet se pse tre prej punonjëseve të saj kanë dhënë dorëheqjen pak kohë pasi kishin filluar të punonin me të. Të jetë kaq e vështirë të punosh me dukeshën?
