Nga Elbasani Ambasadorja e SHBA, Yuri Kim, në një deklaratë për mediat, ka thënë se tre persona të përfshirë në listat e kandidatëve për deputetë janë shpallur non grata nga SHBA. Ambasadorja deklaroi se emrat nuk dëshiroi ti përmendë ndërsa nënvizoi se tashmë lista është në dorë të KQZ dhe të prokurorëve dhe mund të ketë kandidatë që do të përjashtohen.
“Ka tre persona që Sekretari i SHBA ka përcaktuar. Nuk kam për t’iu përmendur emrat, por mund ti shikoni dhe ti gjeni. Këndvështrimi është i qartë. Ne e kemi thënë se duhen lista të pastra. Partitë e kanë marrë në konsideratë, pjesa më e madhe e tyre. KQZ ka listën dhe është në dorën e prokurorëve dhe institucioneve që të bëjnë vettingun e kandidatëve. Disa kandidatë mund të skualifkohen. Blerja e votës është një problem në Elbasan dhe në të gjithë Shqipërinë. Ata që blejnë votat, ju them se po shkelni ligjin dhe po turpëroni veten”, tha ambasadorja amerikane Yuri Kim./Opinion.al
