Sekretari amerikan i Shtetit Antony Blinken tha se ai dhe Sekretari i Mbrojtjes Lloyd Austin kaluan rreth tre orë me presidentin ukrainas Volodymyr Zelensky dhe ekipin e tij të lartë në kryeqytetin e Ukrainës Kiev.
“Ky ishte i gjithë fokusi i vizitës sonë. Ne donim të fokusoheshim në punën që duhej bërë për të parë planin që kemi, se si po ecim përpara në të gjitha këto linja të ndryshme përpjekjesh,”- u tha Blinken gazetarë nga një vend në Poloni afër kufirit ukrainas.
I pyetur nga një gazetar se çfarë kishin parë gjatë rrugës për në kryeqytet, Blinken tha se kishin marrë një tren nga Polonia jugperëndimore për në Kiev.
“Pra, ne nuk pamë shumë, përveçse të shikonim nga dritarja e trenit. Në vetë Kiev, shkuam drejt në pallatin presidencial”-vijoi ai.
Kryediplomati amerikan tha se “nuk kishte shumë mundësi për të biseduar me ukrainasit”. “Sigurisht që pamë njerëz në rrugë në Kiev, dëshmi e faktit se beteja për Kievin u fitua”, tha ai.
