Sot në Kuvend u mbajt seanca e jashtëzakonshme për ngritjen e komisionit hetimor që do të shqyrtojë shkeljet e kushtetutës nga ana e presidentit Meta.
Në dokumentin e projekt vendimit është përcaktuar afati kohor prej 3 muajsh për të hetuar shkeljet e kushtetutës.
Projekt vendimi i miratuar do të hyjë në fuqi pas dy ditësh, pra në datë 10 korrik 2019, kështu që komisioni pritet të mbarojë punën e tij më 10 tetor 2019, vetëm 3 ditë para datës që Presidenti Meta e ka dekretuar për tu zhvilluar zgjedhjet vendore.
Anëtarët e komisionit hetimor janë Ulsi Manja kryetar, Alban Zeneli Zv. Kryetar, Vasilika Hysi, Klotilda Ferhati, Bashkim Fino, Alket Hyseni, Halit Valteri, Adriatik Alimadhi, Krenar Rryçi
Gjatë këtyre tre muajve pritet që Gjykata Kushtetuese të jetë funksionale kështu që ajo do të mund të shqyrtojë vendimin për shkarkimin e presidentit. Nga ana tjetër Kushtetuesja pritet të jap vendimin e saj në lidhje me dekretet e presidentit për anulimin e datës së zgjedhjeve dhe dekretimin e datës së re. Fillimi i tetorit pritet të ofrojë një betejë institucionale mes Kuvendit dhe Presidencës, ku ‘arbitër’ pritet që këtë radhë të jetë Gjykata Kushtetuese. /Opinion.al
