Një 42-vjeçar është arrestuar nga policia e Korçës pasi u kap duke transportuar 3 emigrantë të paligjshm.
Në një njoftim për mediat, autoritetet bëjnë me dije se E.M., 42-vjeç u merrte klandestinëve nga 3 mijë euro secili me premtimin se do ti kalonte në një nga vendet e Bashkimit Evropian.
“Shërbimet e Komisariatit të Policisë Pogradec, në bashkëpunim me Sektorin e Policisë Rrugore, në vijim të operacionit policor të koduar “Perimetri”, kanë goditur një tjetër rast të aktivitetit kriminal të dhënies së ndihmës shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë për veprën penale “Ndihma për kalim të paligjshëm të kufijve”, i shtetasit E. M., 42 vjeç, banues në fshatin Mborje, Korçë.
Ky shtetas u kap nga forcat e policisë në dalje të qytetit të Pogradecit, me mjetin tip “Benz”, duke transportuar 3 emigrantë të paligjshëm, të cilëve kundrejt shpërblimit 3000 euro secilit, ju kishte premtuar atyre kalimin drejt vendeve të BE-së”, thuhet në njoftimin e policisë.
