Mirjan Dedja Asllani, 37-vjeçari, i shoqëruar tre në polici për të dëshmuar në lidhje me vrasjen e Everest Cakës në Elbasan i ka bërë thirrje policisë ditën e sotme të zbardhë ngjarjen, pasi duke e akuzuar padrejtësisht sikurse pretendon, po i shkatërrohet jeta atij dhe te familjes, dhe po futet në konflikt me familjen e viktimës.
Ai ka akuzuar Policinë e Elbasanit duke thënë: “më kanë bërë tabelë qitje për çdo gjë që ndodh në Elbasan më marrin mua në pyetje”. 37-vjeçari, pranon se kishte miqësi me viktimën, por deklaron se nuk ka asnjë lidhje me ngjarjen.
“Kam pasur njohje me Everest Cakën. Njohje shumë të gjatë. Kam jetuar me vëllain e Everestit, Noçen, në Spanjë, në Tarragona. Pasi e kanë vrarë Noçen në Spanjë, atëherë kam bërë letrat spanjolle dhe jam kthyer në Shqipëri”, tha ai për neës 24.
Më tej ai ka treguar se me Everest Cakën është takuar para dy vitesh në Spille.
“Unë jam takuar para 2 vitesh me Everestin ne Spille. S’kam patur kontakte fare me të. Vetëm jemi përshëndetur, sa herë që jemi takuar në Elbasan Ditën që ndodhi ekzekutimi kam qenë në Tiranë gjithë kohën. Ne orën 8 pa 20 kam qenë në shtëpi. Në 22:00 të mbrëmjes erdhi i plotëfuqishmi i lagjes më ka thirrur, duhet të vish patjetër në komisariat për një sqarim. Sipas procedurave të policisë shkova në Komisariat dhe më mbajten 32 apo 33 orë. Më vunë prangat dhe aty më kapi paniku dhe mesa munda ika nga komisariati. Shkova prapë, pas 2 ditësh përtë dëshmuar qëndrova një orë. Pas 2 ditësh të tjera më thirrën prapë dhe më mbajtën prapë 9 orë. Pas 9 orësh me liruan dhe s’më kanë thirrur më. Më pyesnin për itinerarin, ku ke qenë. Ua tregova me detaje. Unë kam dhe telefononin dhe ky nuk gënjen. I lutem prokurorisë të marrë vendndodhjen e telefonit tim, ku kam qenë, ku kam folur dhe me kë kam folur. Dua të jem i pastër në këtë ngjarje. E kam shok Everestin dhe më vjen keq dhe për familjarët e Everestit për çfarë ju ka ndodhur. Dua vetëm të vërtetën. Ta zbardhin ngjarjen. Prokuroria, policia e shtetit ta zbardhë ngjarjen një orë e më parë dhe unë të jem i qetë, të mos kem asnjë barrë në kurrizin tim. S’dua që opinioni të mendojë asgjë të keqe për mua, unë i kam të gjithë shok e miq ne Elbasan, i kam shokë e miq të gjithë.”, tha ai.
I pyetur se me çfarë merret në Spanjë ai u përgjigj: Me punë të ndryshme. Shef kuzhine..ndihmës shef kuzhine.
Everest Caka u ekzekutua rreth 20:10 më 11 maj në lagjen “Skënderbej” të qytetit të Elbasanit, teksa ishte i shoqëruar nga bashkëshortja e tij e cila u plagos nw dorë. Viktimës iu bë pritë teksa po shkonte te shtëpia e prindërve të bashkëshortes duke u qëlluar disa herë me pistoletë me silencitaor./Opinion.al
