Kryeministri Rama i ka bërë edhe njëherë thirrje qytetarëve të zbatojnë këshillat për paradalimin e përhapjes së koronavirusit.
Ai theksoi se aleati i madh i virusit është paniku dhe frika dhe apeloi qytetarët që të qëndrojnë në shtëpi.
“Ky grip luftohen me masa shtrënguese që shkojnë deri në ekstrem”, tha Rama teksa iu përgjigj edhe akuzave se përse nuk u mbyllën më parë kufijtë.
“Nuk është e vërtetë që nuk do prekeshim po të mbylleshin kufijtë. Murtaja e mesjetës preku gjithë Europën edhe kur nuk kishte transport ajoror por njerëzit kishin vetëm karroca. Mbyllja e kufijëve vetëm e ngadalëson përhapjen. Ajo duhet bërë pas shfaqes së virusit” shtoi ai.
Kryeministri nënvizoi edhe njëherë se 3 gjëra duhet të jenë të qarta.
“Ky grip do të prekë shumë prej nesh por 80% do ta kalojnë si grip të zakonshëm dhe nuk do të merret vesh. Vetëm 20% do kenë shenja të ndryshme por dhe kta do ta kalojnë me pak simptoma, rrini brenda dhe larg të moshuarve. 20% e ktyre të tjerëve rezultojnë me shenja shqetësuese dhe janë mbi 60 vjec kryesisht me sëmundje shoqëruese. Vetëm për këta duhet regjimi spitalor”, deklaroi Rama.
Teksa ripërsëriti edhe njëherë masat e njoftuara më herët ditën e sotme kryeministri Rama tha se ngadalësimi i përhapjes së virusit është shumë i rëndësishëm “sepse numri i atyre që mund të duan të shtrohen në spital mund të tejkalojë kapacitetet e spitaleve sic ndodhi në Itali”.
Ai paralajmëroi gjithashtu masa të reja që do të komunikohen në ditët në vijim. /Opinion.al
