3 adoleshentë nga Britania kanë zgjedhur Himarën për të punuar por edhe pushuar.
Lajmin e ka bërë të ditur kryeministri Edi Rama, i cili ka ndarë eksprriencën e tyre në Shqipëri në rrjete sociale.
Përmes një video, ata thonë se punojnë për rreth 1 muaj gjatë sezonit të verës ne restorantet e rivierës dhe më pas me paratë që mbledhin nga paga e tyre, bëjnë edhe pushimet.
“Jemi këtu për t’u argëtuar dhe fituar para ndërkohë. Jemi 3 shokë që vijmë nga Anglia. Shijojmë verën, shijojmë diellin dhe takojmë njerëz të rinj. Më pëlqen të takoj njerëz të rinj, kultura të reja”.
“Për mua ka qenë përvoje e shkëlqyer. Merr ca para, shijon edhe plazhin. Zakonisht mbarojmë turnin e mëngjesit, pastaj shkojmë në plazh për afro 3 orë. Rrimë aty, pushojmë, lahemi madje dhe flemë. Në 17.30 e mbyllim punën dhe pastaj dalim. Zakonisht punojmë 7-8 orë pasi jemi më të rinj se të tjerët. Jemi të kënaqur me pagën dhe do të rikthehemi sërish vitin që vjen”.
