Taulant Balla duke folur për media nga kryesia e Kuvendit hodhi një sërë akuzash e sharjes ndaj lideri të PD, Lulzim Basha një ditë pasi ky i fundit e akuzoi se ka shërbyer si ndërmjetës për futjen në vendit tonë të miliona eurove.
Ai tha se “është e turpshme si mund të ketë qenë ministër ky shejtan budalla pa asnjë informacion, që pas deskretimit me babalen hedh akuza ndaj meje për lidhje me eurot”
Sipas Ballës, Lulzim Basha e sulmoi pasi e dinte se PS do të nxirrte një çështje të re, që ka të bëjë me financimin nga ana e PD e lobimit kundër Shqipërisë.
Pjesë nga deklarata e Taulant Ballës:
“Që Taulant Balla nuk ka asnjë lloj lidhje me këta ju garantoj me përgjegjësi penale, jo vetëm me mandatin e deputetit. Jam gati të më bëhet gjyqi mu në sheshin “Skënderbej” nëse mund të kemë një lidhje të vogël me të. Por dua ti them Lulzim Bashës që në fund të kësaj historie, ai i ka ca lidhje me këta persona të përfshirë. Nuk po i them sot, por i kam gjetur ca lidhje Lulzim Bashës me këta persona. Do t’i ruaj për të enjten disa surpriza për Lulzim Bashën. Në fillim e kam marrë me shaka këtë çështje, kam qeshur edhe dje me këtë budalla. Hajt se nuk me merr njeri seriozisht dhe më pas krijon historinë. Nuk ka shërbim partner ndërkombëtar që t’i raportojë Lulzim Bashës, por ka militantë. Apeli im është sot që drejtësia të mos vonojë në asnjë moment dhe të thërrasë këdo. I pari të thirret Basha që pretendon se ka informacion. Këtë herë Lulzim Basha nuk do ja hedhë paq”.
