3.4 milionë euro të bllokuara në Qershor të vitit 2018 në dy automjete tip “Toyota Yaris” në Durrës, janë sekuestruar me një vendim nga Gjykata e Posaçme. Këto para të futura ilegalisht në vend dyshohet se burojnë nga aktivitet i paligjshëm.
Vetëm dy ditë më parë Gjykata e Tiranës ka dënuar me 1 vit e 6 muaj burg shtetasin Ervis Vladi, i cili ishte pjesë e çështjes së “Toyota Yaris” me 3.4 milionë euro, dhe pikërisht pronari i kësaj shume.
Vladi u dënua për veprën penale “mosdeklarim të ardhurash në kufi”. Duke përfituar nga gjykimi i shkurtuar, dënimi i tij ulet në 1 vit burg. Në të njëjtën dosje është dënuar me 2 vite e 4 muaj burg edhe Agim Ceka për “armëmbajtje pa leje”./Opinion.al
