Kreu i Partisë Demokratike, Lulzim Basha ka përkujtuar 29 vjetorin e themelimit të gazetës ‘Rilindja Demokratike’.
“RD” ishte e para gazetë e krijuar pas periudhës së regjimit komunist nën të cilin të gjitha llojet e mediave ishin nën censurë dhe në shërbim të propagandës së kohës.
Në përkujtimin e tij, Basha falënderon stafin që ka kontribuar në themelimin dhe zhvillimin e saj dhe shkruan se kjo gazetë ishte “realizimi i një misioni” i cili erdhi si një “shtrëngatë”.
Por kreu i opozitash shton gjithashtu se edhe sot “beteja për fjalën e lirë është një mision”.
“Ashtu si në janarin e 1991-it, beteja për fjalën e lirë është shndërruar sot në kauzë kryesore të të gjithë atyre që nuk duan që Shqipërinë ta lënë në kthetrat e pesimizmit, në kthetrat e atyre që mendojnë se në mosbesim e në dëshpërim, Shqipëria sundohet më lehtë.
Edhe sot, beteja për fjalën e lirë është një mision, dhe stafi aktual i Rilindjes Demokratike, ashtu si edhe shumica dërrmuese e komunitetit të gazetarëve, intelektualëve, profesorëve dhe akademikëve të Shqipërisë, është në anën e duhur të historisë.” /Opinion.al
