Gazeta prestigjioze britanike “The Guardian” ka investiguar rreth këpucëve të shrenjta që shihen në dyqanet britakine dhe shkruajnë “made in Italy” apo “made in Germany”. Sipas saj, këto nuk janë asgjë tjetër veçse këpucë të prodhuara në vendet e varfëra lindore, Shqipëri dhe Maqedoni, ku punëtorët paguhen më mënyrë skandaloze dhe në kushte të vështira. .
“Miliona blerës mendojnë se janë duke blerë këpucë të shtrenja të markave të njohura, por ata janë të mashtruar pasi këto këpucë prodhohen në vendet e Lindjes aty ku punëtorët marrin sa një lëmoshë.
Investigimi vëren se në Shqipëri punëtorët shfrytëzohen në këtë lloj pune, duke marrë më pak se gjysmë paundi në orë për punën që bëjnë.
“Skandali del në dritë pas një hetimi se industria e këpucëve në Europë ka nga pas një të vërtetë tronditëse për mënyrën se si shfrytëzon krahun e punës me paga të paligjshme dhe kushte tronditëse. Hetimi thotë se disa prej markave më të mëdha janë duke përdorur një shteg ligjor për të vulosur produktet e tyre me vulën “Made in Italy” ose “Made in Germany” pavarësisht se ato nuk prodhohen aty duke siguruar se ato janë sërsih të një cilësie të lartë edhe nëse janë bërë nga punëtorë të varfër të Europës Lindore”. Hetimi zbuloi se punëtoret e këpucëve në Shqipëri paguhen më pak se rroga minimale duke punuar edhe mbi orar gjë që është ligjërisht e palejueshme” – shkruan The Guardian.
