Kryetari i Bashkisë së Tiranës, Erion Veliaj, i ka dorëzuar sot Çelësin e Qytetit këngëtares së njohur me origjinë shqiptare, Dua Lipa, thuhet në një njoftim për mediat të bashkisë.
Në një pritje të organizuar në Bashkinë e Tiranës,Veliaj i ka shprehur mirënjohjen këngëtares me famë ndërkombëtare dhe i ka dorëzuar njëprej simboleve që u jepet miqve të qytetit.
Kryebashkiaku Veliaj tha se ndihet shumë i lumtur që i dorëzon Çelësin e Qytetit një vajze që frymëzon shumë njerëz. “Tani Prishtina dhe Tirana janë një, kështu që nuk je veç gocë e Prishtinës dhe e Kosovës, je edhe e Shqipërisë dhe e Tiranës. Unë jam shumë i lumtur për ty dhe në emër të gjithëqytetarëve të Tiranës dua që ta ruash Çelësin dhe të kthehesh sërish këtu, teksa shkëlqen e bëhesh më e famshme, duke frymëzuar shumë njerëz”, tha Veliaj.
Sakaq, këngëtarja Dua Lipa tha se për të është një privilegj që ndodhet në kryeqytetin shqiptar për tëperformuar. “Është një privilegj shumë i madh për mua të vij pas një kohe shumë të gjatë dhetë më prisni në Tiranë. Dua të theksoj se ndjej një përgjegjësi shumë të madhe ndaj Kosovësdhe Shqipërisë. Jam shumë krenare që jam shqiptare dhe ju falenderoj shumë për këtëmundësi që të jem me të gjithë shqiptarët”, u shpreh Dua Lipa.
