Aktualitet

26-vjeçarja që nxorri në pritë Billën: E bëra për para


Bëhu pjesë e Grupit Zyrtar të Opinion.al
>> KËTU <<
               Publikuar në : 15:19 - 26/06/20 |
el ida

Kjo është Adjola Lakra, 26-vjeçarja, e arrestuar si bashkëpunëtore në atentantin ndaj Hekuran Billës. Nisur nga tabulatet telefonike, dyshohet se Lakra ka nxjerrë në pritë Hekuran Billën, mbrëmjen e 11 qershorit tek Komuna e Parisit.

Sipas “BalkanWeb” e reja ka pranuar krimin para hetuesve të çështjes, ndërsa theksoi se e kishte nxjerrë në pritë Hekuran Billën për para.

“Me Sebastiano Malin ka miqësi. Ai më kërkoi të njihesha me Hekuran Billën dhe të krijoja miqësi me të. Për këtë më ofroi para. Kam rreth 1 vit që shoqërohesha me Billën”, mësohet të jetë shprehur ajo.

Për ekzekutimin, pas hekurave qëndron Viktor Marku, dhe Sebastjan Mali, nipi i tij, i cili dyshohet se ka vëzhguar lëvizjet e Billës dhe ka njoftuar autorët për të kryer ekzekutimin.

I dyshuar kryesor i ekzekutimit, Viktor Marku, është vëllai i Prel Markut, i cili është vrarë nga Billa në vitin 2006 në Angli. Për vrasjen e Prel Markut dhe plagosjen e tre personave të tjerë, gjykata angleze e kishte dënuar Billën me burgim të përjetshëm.

Por në vitin 2013, ai u ekstradua drejt Shqipërisë ku nisi përballjen me drejtësinë e vendit tonë. Billa arriti të dalë nga burgu në vitin 2019, pasi fitoi disa ulje dënimi radhazi./Opinion.al

 

Pas