Një shtetas italian është vënë në pranga në Pikën Kufitare të Kakavijës pasi në makinë iu gjetën doza me lënë të dyshuar kokainë.
Në cilësinë e provës materiale u sekuestruan lënda narkotike, automjeti dhe 1 aparat celular.
26-vjeçari akuzohet për veprën penale “Trafikim i lëndëve narkotike”.
‘Shërbimet e Policisë Kufitare Kakavije, si rezultat i shtimit të kontrolleve me qëllim parandalimin dhe goditjen e paligjshmërisë, bazuar dhe në analizën e riskut, në dalje të RSH-së, kanë kaluar për kontroll në vijën e dytë automjetin Camper “Fiat” që drejtohej nga shtetasi italian D. G., 26 vjeç, banues në Siçili.
Gjatë kontrollit të ushtruar në automjet, nga shërbimet e Policisë Kufitare, u gjetën disa doza me lëndë të dyshuar narkotike kokainë.
Në cilësinë e provës materiale u sekuestruan lënda narkotike, automjeti dhe 1 aparat celular.
Në përfundim të veprimeve të kryera nga specialistët për Hetimin e Narkotikëve në DVP Gjirokastër u bë arrestimi në flagrancë i shtetasit D. G., 26 vjeç, banues në Siçili”, tha policia.
Materialet i kaluan Prokurorisë Pranë Gjykatës së Shkallës së Parë Gjirokastër për veprën penale “Trafikim i lëndëve narkotike”njofton polica.
