Kronikë

2500 € për një rrugë/Kapet me drogë, gjykata franceze dënon me burg tiranasin


Bëhu pjesë e Grupit Zyrtar të Opinion.al
>> KËTU <<
               Publikuar në : 20:55 - 12/01/22 |
Opi Nion

Një 34-vjeçar shqiptar u dënua nga një gjykatë në Francë për trafik drogë. Mediat franceze shkruajnë se shqiptari i identifikuar si Antonio H. është dënuar me 8 muaj burg, dhjetë vjet ndalim në tokën franceze dhe një gjobë doganore prej 28 mijë eurosh.

Shumë kjo shumë më e ulët se ajo që kishte kërkuar prokurori: 85,000 euro, ose çmimi i parashikuar i rishitjes së mallit të sekuestruar. Ai u akuzua për trafikim të 17 kg kanabis bimor.

Ishte e hëna e kaluar, rreth orës 11:00, kur 34-vjeçari nga Tirana, u pikas nga dogana në Nogent-sur-Oise, në autostradën A1, në drejtimin Paris-Lille. Mësohet se në automjetin e tij tip “Volkswagen Passat”, në pjesët anësore të bagazhit dhe në parakolpin e pasmë, doganierët zbuluan 25 pako kanabis bimor, ose më saktë 17.778 kilogramë.

Antonio H. thjesht shpjegoi se kishte mbërritur nga Spanja, ku dy persona dyshohet se e caktuan të transportonte mallin në Belgjikë.

Shqiptari ka refuzuar të japë emra, por ai ka pohuar se për këtë detyrë duhet të paguhet 2500 euro./Opinion.al

Pas