Më 12 shtator të vitit 1998 pranë selisë së PD, u vra me armë zjarri Azem Hajdari, njeriu i cili udhëhoqi lëvizjet studentore kundër regjimit komunist në vitin 1990, për të sill në vendin tonë demokracinë e munguar për disa dekada dhe pluralizmin politik.
Sot, është 25 vjetori i vrasjes së tij, ku familjarë, miq dhe ish-studentë të dhjetorit të vitit 1990 bën homazhe në “Varrezat e Dëshmorëve” dhe kujtuan përsëri guximin e tij kundër sistemit komunist.
Heroi i demokracisë është përkujtuar nëpërmjet një postimi në rrjetet sociale edhe nga gazetari Belndi Fevziu. Teksa poston një foto krah Azem Hajdarit, vlerëson figurën e tij dhe atë çka ai bëri për të sjell demokracinë në vendin tonë.
Gazetari kujton momentet kur së bashku kanë qenë pjesë e lëvizjes së studentëve si dhe mbrëmjen me shi të 12 shtatorit të 25 viteve më parë, kur Azem Hajdari u ekzekutua me armë zjarri.
“E vrane 25 vjet me pare, duke dale nga selia e Partise se tij. E mbaj mend shume mire ate mbremje dhe rrebeshin qe nis disa minuta me pas. Me Azem Hajdarin kam bere ca vite rruge ne fillimet e mia. E njoha per here te pare mengjesin e dates 9 Dhjetor 1990, tek demostrata prane Liceut. Me pas e takova gjithe ato dite te Levizjes Studentore. Themelues i PD, opozita e pare antikomuniste; Kryetar i pare i saj; deputet rebel ne natyre dhe ne stilin e jetes, Azem Hajdari ishte nje figure komplekse. Nje njeri qe do mbaje ndezuar debatet historike, per jeten si dhe vdekjen e tij. Por sot, 25 vjet me pas secili nga ne duhet ta falenderoje per gjithcka dha, aq kohe sa pati jete. Qofte ne paqe”,-shkruan Fevziu./Opinion.al
