24-vjeçari Erion Selimaj që kërcënon me hedhje nga vinçi pranë stadiumit “Qemal Stafa”, ka komunikuar përmes telefonit me gazetaren e Report Tv. Biseda është transmetuar live në televizion.
Selimaj ka treguar shqetësimet që ka, duke akuzuar shtetin se do ta fusë në burg dhe e akuzojnë kot se ka rrahur babanë. Akuzat më të shumta të tij ishin për kryebashkiakun e Vlorës, Dritan Leli.
“Qëllimi im ishte ta bëja publike që Dritan Leli më ka lënë rrugëve. Leli ka bërë telefonata që mua të më fusin në burg. Unë nuk zbres sot që këtu”, ka thënë i riu.
Momentalisht ai vazhdon të jetë sipër vinçit duke kërcënuar se do të hidhet
Kryebashiaku Leli reagon për rastin e Erjonit
Në lidhje me historinë e Erjonit ka folur edhe kreu i bashkisë së Vlorës, Dritan Leli, i cili thotë se Erjoni ka nevojë për trajtim me psikolog. “E kam takuar disa herë Erjonin, i kam ofruar mbështetje maksimale. Djali ka thënë versione të ndryshme të jetës së tij, ka nevojë për trajtim me psikolog.
“Çdo person në nevojë do ta ketë të hapur derën time, edhe Erjonit i kam ofruar strehim në konvikt, i kam ofruar t’i paguaj qiranë e shtëpisë por s’ka pranuar”, tha Leli më tej.
