Më shumë se 20 vite më parë, Nikolai Gromov pati një zënkë me gruan e tij, Lyubov Petrovna. Në gjendje të dehur ai e sulmoi atë dhe vajzën e tyre 6-vjeçare, Elena. Pasi i doli pija, Nikolai u rikthye në shtëpi, ku nuk gjeti asnjërën prej tyre ndaj mendoi se iu kishte marrë jetën dhe u zhduk në rajonin rus të Taigas.
Por këtë vit, një plagë në këmbën e Nikolai, tashmë 72-vjeç u infektua dhe mjekët pasi e kuruan duke menduar se ishte endacak lajmëruan autoritetet që ta ndihmonin. Por kur u kuptua se kush ishte, ai u arrestua në bazë të një urdhër arresti të lëshuar në kohën kur ndodhi sulmi për dhunë në familje.
Me këtë rast, Nikolai zbuloi se në fakt nuk e kishte kryer krimin e tmerrshëm, pasi pas sulmit ish-bashkëshortja dhe e bija kishin shkuar në spital për ndihmë mjekësore dhe më pas ishin zhvendosur në një shtëpi të re.
Ish-bashkëshortja kishte ndërruar jetë më herët gjatë këtij viti, ndërsa e bija jeton në Novokuznetsk me familjen e saj por sipas mediave ruse nuk dëshiron të takohet me të atin./Opinion.al
