Për këtë shpërthim të kontrolluar, sikurse ka bërë me dije institucioni në fjalë, janë hapur 800 furnella (vrima) në trupat e ndërtesave, ndërsa parashikohet të përdoret 24 kilogramë lëndë plasëse.
Dy objektet, njëri katër katësh dhe tjetri pesë katësh, do të shemben në të njëjtën kohë.
“Për eleminimin e dëmeve janë vendosur në të dy objektet dhe pranë tyre 3 mijë thasë me rërë, si dhe një mijë metra skelë, për mbrojtjen e objekteve të tjera që ndodhen pranë shpërthimit”- thuhet ne njoftimin e IKMT.
Po ashtu janë porositur banorët që në orën 13.00, kur parashikohet të kryehet shpërthimi të mbajnë hapur dyert dhe dritaret për të shmangur valën goditëse.
