Kosova ka marr dozat e para të vaksinës, të cilat kanë mbërritur në vend me një avion të “Turkish Arilines”. Janë 24.000 doza të vaksinës AstraZeneca që mbërrijnë në vend dhe që janë siguruar përmes programit Covax. Ky program i Organizatës Botërore të Shëndetësisë parashikon për Kosovën një total prej 100.800 dozave të vaksinës së AstraZenecas, të cilat jepen falas.
Në aeroportin “Adem Jashari” ku kanë mbërritur vaksinat, ka qenë i pranishëm dhe Kryeministri i Kosovës Albin Kurti si dhe prfaqësues të qeverisë dhe OBSH në Kosovë. Kurti e cilësoi ndër të tjera sasinë e vaksinave, një kontigjent të vogël, por që ngjall shpresë të madhe.
Kosova është vendi i fundit në rajon që do të nisë fushatën e imunizimit të popullsisë kundër koronavirusit. Autoritetet tashmë kanë hartuar një plan të imunizimit, të ndarë në tri faza, ku fillimisht pritet të vaksinohen punëtorët shëndetësorë, të moshuarit dhe personat me sëmundje kronike./Opinion.al
