TIRANË- 22 vjeçarja Esmeralda Ibraj ka lënë spitalin sot për të marrë pjesë në ceremoninë mortore. Ajo përcolli në banesën e fundit, motrën e vogël, 17 vjeçaren Elidona Ibraj.
Dy vajzat janë përleshur në banesë një natë më parë me të atin, i cili mësohet se ka qenë në gjendje të dehur. Vajza e vogël vdiq nga plagët e shumta të goditjes në thikë, ndërsa Esmeralda ka marrë plagë të lehta.
Por çfarë ka ndodhur? Ajo ka rrëfyer shkurtimisht për oficerët e policisë ngjarjen. Për shkak të gjendje së rënduar emocionale, Esmeralda do të merret sërish në pyetje në ditët në vijim.
Burime nga policia thanë se 22-vjeçarja ka treguar se i ati kishte ushtruar dhunë ndaj fëmijëve edhe herë të tjera. Ata ishin nisur për ta denoncuar por ishin penduar….
Mbrëmjen e së dielës, Kujtim Ibraj kishte shkuar në banesë rreth orës 19:00 dhe ka debatuar me dy vajzat e tij. Esmeralda ka thënë se “babai e kishte bezdi kur i gjente duke folur në telefon, edhe pse ne ishim të fejuara”.
Ai ka ka goditur vajzat me grushta e shkelma. “Më pas ka dalë dhe ka marrë automatikun i cili nuk shkrepi. “Më pas mori një thikë në kuzhinë dhe goditi disa herë Elidionën, duke i shkaktuar shumë plagë. Unë hyra për ta shpëtuar dhe u plagosa”. Kështu ka rrëfyer 22 vjeçarja orët e tmerri në familjen e saj.
Familja Ibraj me origjinë nga Puka ka jetuar për disa vite në Laç më pas ishte shpërngulur në Tiranë, në periferi të saj. Familja ishte e varfër dhe me probleme shoqërore. Luftija ishte divorcuar nga Kujtimi por për shkak të pamundësisë ekonomike çifti jetonte të në njëjtën çati. Gjashtë fëmijët jetonin me të ëmën ndërsa Kujtimi në një dhomë në vete. Ata kishin gjithnjë konflikte, fakt i dëshmuar edhe nga vajza e tyre në polici. /Opinion.al/
*Foto 1: viktima Elidiona Ibraj
*Foto 2: Esmeralda Ibraj
