Një 22-vjeçare në Greqi ka denoncuar në polici një 33-vjeçar për ngacmim seksual dhe për dhunë.
Sipas saj, ngjarja ka ndodhur në një klub nate në Neos Marmaras, Halkidiki, kur ajo po argëtohej, në orët e para të së dielës.
Pasi e reja ka kontaktuar me policinë greke ka nisur kërkimi për kapjen e të akuzuarit, por nuk është bërë e mundur gjetja e tij. Por ndaj tij janë ngritur akuza për ngacmim seksual dhe dhunë fizike.
Mediat greke shkruajnë se i shpalluri në kërkim është një 33-vjeçar me origjinë shqiptare, ndërsa dosja do t’i dërgohet Prokurorisë së Shkallës së Parë Polygyro.
