Policia e Maliqit ka arrestuar një 22-vjeçari pasi dyshohet se shfrytëzonte për prostitucion një të mitur.
Lidhur me ngjarjen ka folur e ëma e të miturës, e cila ka rrëfyer se 22-vjeçari e ka kërcënuar të bijën që të mos tregonte.
Ajo u shpreh se e mitura i ka thënë që do të mbyste veten, ndërsa u shpreh se 22-vjeçari vinte me motor dhe e merrte nga shkolla.
“Më tha një grua në fshat që iku me motor. Ajo nuk më tregonte se i ka thënë ai mos trego. E ka kërcënuar. Më tha vajza që do mbytem, i thashë çfarë bëre ti që të mbytesh. E gënjente ai, unë e çoja në shkollë ai e merrte me motor. E pashë që vinte këtej lart dhe i thashë mos hajde më. Më tha që më ngacmonte gjithmonë. Vinin e këta nga Podgoria me motor. S’kam njeri tjetër, jetoj vetëm me mamanë. Vajza është në Tiranë, do vazhdojë shkollën atje. Do ta çonin te doktoresha”,- shpreh ajo.
