Një 22vjeçar i ka dhënë fund jetës këtë të shtunë. I riu, banor i qytetit të Krastës është gjetur i varur në pemë.
Zyrtarë të Policisë Bulqizë bënë me dije se urgjenca e spitalit të këtij qyteti ka njoftuar se ka mbërritur në
gjendje kritike për jetën shtetasi Ermal Zhaboli, 22 vjeç.
Sipas familjarëve të tij ai humbi jetën gjatë transportimit nga Krasta në Bulqizë, në vendin e quajtur Qafa e
Buallit.
Fillimisht të afërmit, por pastaj dhe ekspertët kanë konstatuar se Zhaboli është vetëvarur dhe kjo i ka shkaktuar humbjen e jetës.
“Vëllezërit na thanë se Ermalin e kanë gjetur në oborrin e shtëpisë, të varur me litar, në degën e një peme”,
thanë burimet. Ende nuk dihen arsyet që e cuan të riun drejt aktit fatal.
