Ende nuk është gjetur trupi i 21vjecarit të mbytur në ujrat e lumit Drini i Zi. Ngjarja e rëndë ka ndodhur afër fshatit Ujmisht, në vendin e quajtur ‘Kepi i Skaviicës”, mbasditen e dy dite më parë.
Shtetasi Raimond Spahiu, 21 vjec, nga fshati Kolosjan, por me banim në Tiranë kishte shkuar për të kaluar disa ditë pushimi te halla e tij në fshatin Ujmisht.
Bashkë me disa shokë ka shkuar në lumin Drini i Zi dhe ka hyrë në lumë për t’u freskuar, por nuk ka mundur të dalë më në sipërfaqe.
Sot flasin familjarët e tij. Në një lidhje telefonike me “News24”, e afërmja e djalit i ka bërë thirrje autoriteteve të ndërhyjnë për të gjetur trupin e tij, dhe ka akuzuar polumbarët se kanë kërkuar vetëm gjysmë ore dhe më pas janë larguar.
“E kanë kërkuar vetëm gjysmë ore dhe kanë ikur. Po të ishte ndonjë fëmijë deputeti do ishte nxjerrë për 3 orë jo për tre ditë, nuk i kërkojmë ndihmë Serbisë, por shqiptarëve dhe atyre që i kemi dhënë votat. S’kemi mundësi financiare për me gjet djalin. Kemi hapur dyert e zisë 3 ditë dhe nuk pyet askush. Djali ka shkuar tek halla dhe ka dalë në drekë për t’u larë dhe s’ka dalë më prej aty. Ka qenë i shoqëuar me një fëmijë 12 vjec”, tha e afërmja.
“Trupi i 21 vjecarit nuk është gjetur ende, ndërsa kërkimet vazhdojnë pa ndërprerje, nga polumbarët dhe banorët e fshatit”, tha dje zëdfhënësja e Drejtorisë së Policisë së Qarkut Diana Deda.
Në ujrat e lumit Drin dhe ujrat e liqenit të Fierzës cdo vit ndodhin ngjarje të rënda. Kështu gjatë këtij viti ky është rasti i dytë i mbytjes së një të riu. Dy muaj më parë u mbyt në ujrat e liqenit të Fierzës, afër qytetit të Kukësit një maturante e gjimnazit “Havzi Nela”.
Panorama
