Vetëm pak ditë pas vrasjes nga pakujdesia në Sharrë të 17 vjeçarit Ardit Gjoklaj një tjetër i ri gjen vdekjen në rrethana të mistershme.
Ngjarja ka ndodhur në fshatrat e Vlorës. Endri Kosteja, 21 vjeçar nga fshati Dorëz i Librazhdit është gjetur i pajetë në fshatin Mesaplik të Vlorës, atje ku kishte shkuar të punonte si bari.
Ai është qëlluar me një plumb në sy, thanë burime nga policia. Si i dyshuar për vrasjen është shoqëruar pronari i stanit ku punonte viktima, Sheref Lelaj, 74 vjeç.
Ndërsa në kërkim janë shpallur 2 djemtë e tij, shtetasit: V. L., 34 vjeç dhe L.L., 46 vjeç, njofton më tej policia. I riu është gjetur i vrarë nga banorët e zonës, ndërsa ende nuk janë zbardhur motivet e kësaj ngjarje të rëndë. /Opinion.al
