Nga Vlora, kryeministri Edi Rama është shprehur se drejtësia mund të vonojë dhe pak vrasjet e 21 janarit, por nuk ka për të munguar.
Rama thotë se vrasjet e qytetarëve që u thirrën prej tij në protestën e dhunshme, janë shtetërore dhe drejtësia duhet të zbulojë sa më parë se kush i urdhëroi.
“Ore janë nja dy djem atje që fillojnë të duartrokasin dhe nuk ndalojnë më, kam përshtypjen që nuk dëgjojnë ca them dhe por vetëm duartrokitjen, dhe duartrokasin dhe nuk ndalojnë, çuna përqendrohuni te teksti dhe jo te zhurma e duartrokitjeve. Askush nuk është më i paprekshëm në vendin tonë. 21 janari nuk ka ndodhur dje, por para shumë vitesh dhe ne e dimë se sa e rëndë është që të vijë 21 janari tjetër dhe tjetri… dhe ata të cilët duhet të përgjigjen për atë krim, të vazhdojnë të përqeshin viktimat. Nga ana tjetër askush nuk duhet të harrojë se në këtë sistem, drejtësinë nuk e bën as partia, as qeveria, as kryeministri, por e bën drejtësia. Nëse sot ka një arsye për t’u ndjerë të… Nëse sot ka një arsye për t’u ndjerë disa të lehtësuar në raport me 21 janarin, e para rruga e drejtësisë është hapur dhe se sot drejtësia mund të vonojë edhe ca por nuk ka për të munguar. 21 janari është një krim shtetëror dhe duhet të përgjigjen jo vetëm ata që tërhoqën këmzën, por në radhë të parë ata që urdhëruar hapjen e zjarrit”,- tha Rama.
