Kreu i grupit parlamentar të PS Taulant Balla në një lidhje direkte në emisionin “Opinion” ka deklaruar se PS do të çojë në SPAK një tjetër kallëzim lidhur me çështjen e 21 janarit.
Në fjalën e tij, Balla akuzoi ish-kryeministrin Berisha se ka qenë ai që ka dhënë urdhrin për gardën, ndërsa duke ju referuar audios së publikuar nga gazetari Artan Hoxha tha se të njëjtën gjë e ka deklaruar edhe Berisha.
“Ajo që thuhet nga Hoxha është që ka urdhër për të qëlluar. Sali Berisha ka thënë që urdhri ka qenë i qartë: Kush tenton të kalojë gardhin, madje qoftë ky edhe Edi Rama do të goditet me snajper. E vërteta është që të gjithë personat janë goditur jashtë gardhit”, tha Balla.
Pjesë nga biseda në studio
Balla: Në vijim do të ketë edhe një kallëzim nga PS dhe grupi parlamentar. Ner kemi bërë një kallëzim për 4 vrasje dhe disa plagosje. Në momentin që nga prokuroria e Tiranës ka ende një procedim, dy vrasje pa autor, Hekuran Deda , Aleks Nika dhe plagosja e një gazetari, në këtë kontekst vrasjet pa autor nuk arkivohen. Dhe kemi hapur më 22 janar 2023 dhe është e vërtetë që gjatë 2022, qoftë familjarët ashtu dhe unë i jemi drejtuar publikisht drejtuesit të SPAK .
Fevziu: Përse SPAK dhe jo prokuroria?
Balla: E para sepse personat që në vlerësimin tonë duhen hetuar për një sërë veprash penale , janë persona që hyjnë nën juridiksionin e SPAK. Që nga Ndrea Prendi, Ministri i Brendshëm., Kryeministri i asaj kohe dhe zinxhiri drejtues i asaj kohe. Madje Berisha konfirmon të gjitha ato që janë transkriptuar nga gazetari Hoxha.
Ajo që thuhet nga Hoxha është që ka urdhër për të qëlluar. Sali Berisha ka thënë që urdhri ka qenë i qartë: kush tenton të kaklojë gardhin, madje qoftë ky edhe Edi Rama do të goditet me snajper. E vërteta është që të gjithë personat janë goditur jashtë gardhit.
Ajo që është e turpshme, me urdhrin e Berishës janë fshirë serverat, u pengua policia të arrestojë punonjësit e gardës.
Dhe ne kemi pritur që nga vitit 2019 , kur prokuoria antikorrupsion mori jetë dhe nga ai moment pothuajse çdo muaj nga ana ime si kryetar i grupit parlamentar ka patur kërkesë dhe gjithhashtu në kuvendin e Shqipërisë, kur kemi patur drejtuesin e SPAK, si palë e dëmtuar (PS ka qenë palë,sepse ishte organizatore e protestës ).Unë jam i bindur që urdhri për të goditur drejtpërdrejtë Ndrea Prendit i ka ardhur nga Sali Berisha./Opinion.al
