20-vjetori i ‘Opinion’/ Kur Fevziu intervistoi Mbretëreshën Geraldina

Emisioni “Opinion” është një nga emisionet më jetëgjatë në televizionet shqiptare ku edhe gazetari që e moderon ka qenë i përhershmi, Blendi Fevziu.

Ky emision bëhet pjesë e çdo familje nga e hëna në të enjte dhe trajton çdo temë dhe problematik nga aktualiteti. Sapo është mbyllur sezoni i 20-të që nga transmetimi i parë më 31 Gusht të 1997.

Çdo ditë deri në shtator ku edhe do të ketë një organizim special nga ana e stafit te këtij emisioni, drejtuesi i tij Blendi Fevziu dhe stafi kanë vendosur të ndajnë foto retro nga intervistat më të bujshme realizuar në këtë emision. Të parën foto që postoi ishte ajo e 31 Janarit të vitit 2002, kur realizoi debatin mes Nanos dhe Berishës. Pak minuta më parë Fevziu ndau një foto të veçantë të shkëputur nga intervista me Mbretëreshën Geraldina. Një intervistë që u zhvillua në Johanesburg, në Afrikën e Jugut. Ishte Maj, 1999. /Opinion.al

 

Opinion mbylli vitin e 20 – të. Kemi nisur në 31 Gusht 1997 dhe në shtator me një organizim të veçantë do kujtojmë 20 vitet që shkuan dhe do nisim vitin e 21 – të. Deri atëherë do postojmë momente të veçanta nga emisioni në vite. Foto lart Interviste me Mbretereshen Geraldina e Shqiperise. Johanesburg Afrika e Jugut, Maj 1999. #20vjetopinion

A post shared by Blendi Fevziu (@blendifevziu) on Jul 29, 2017 at 4:21am PDT