Analisti Fatos Lubonja është rikthyer mbrëmjen e sotme në emisionin Opinion me një analizë të shkurtër rreth politikës dhe medias. I pyetur nga drejtuesi i këtij emisioni, gazetari Blendi Fevziu, se njerëzit kujtojnë se ekziston një aktrim i madh i të gjithë televizionëve, për Lubonjën televizioni është shndërruar në një skenë ku politika ka luajtur rolet e saj.
Lubonja tha se politika ka realizuar teatrin e vet, ndërsa ne kemi qenë skena që i kemi ofruar kushtet për t’a realizuar një gjë të tillë.
Ai tha se pikërisht këtë fenomen, e ka vuajtur tek emisioni Opinion dhe pikërisht këtë gjë është përpjekur t’a ndryshojë. Por për drejtuesin e këtij emisioni, Blendi Fevziun, duket se e gjithë shoqëria është një teatër dhe media nuk është asgjë tjetër veçse një pjesë e vogël e këtij teatri.
Me shumë gjasa, kjo ide hasi në konsensusin e Lubonjës, ndërsa shtoi se tani gjithçka është bërë komedi fare. Sipas tij, imagjinoni, viti që vjen është quajtur edhe viti i Skëndërbeut. Ai tha gjëja që më shqetëson më shumë, është ajo se sa na ka brymosur regjimi i Enver Hoxhës, duke na formuar edhe kokën.
Lubonja për gazetarët dhe sitemi
Gazetari Fatos Lubonja ka theksuar se emisioni “Opinion” u bë një emision shumë i rëndësishëm, i cili duhej të kishte kritikuar të dy llogoret dhe për shumë çështje të caktuara duhet të kishte ndikuar më shumë. Sipas tij, pavarësisht që mund të mendohet se sistemi ka kapur gjithçka, ai përsëri e konsideron veten me një këmbë brenda dhe një jashtë, nga të cilën gjen forcën edhe për t’a goditur.
Lubonja bëri me dije se kjo është sfida më e madhe për gazetarinë shqiptare që të bëhet pushtet i katërt dhe ndoshta arrin të bëjë diçka.
Lubonja kritika për emisionin Opinion
Kërkuar nga vetë drejtuesi i emisionit Opinion, gazetari Blendi Fevziu që në këtë intervistë të shkurtër, analisti Fatos Lubonja të rëndisë disa kritika që mendon se vlejnë rreth emisionit Opinion që për 14 vjet ka qenë ekskluzivisht pjesë e tij. Nga ana tjetër, Lubonja e sheh këtë panoramë të pashkëputur nga realiteti i medias në tërësi apo nga panorama e përgjithshme e medias në vendin tonë.
