Shqipëria e 20 viteve më parë ishte një tenxhere presioni që ziente, shpërthimi i së cilës solli, siç dihet, qindra të vrarë në atë që u quajt me të drejtë lufta jo-civile.
“Beteja e natës në Vlorë: 3 të vrarë”, shkruhet në kryeartikullin e 1 marsit 1997. Shkrimi, i firmosur nga Armand Mero dhe Fatos Baxhaku rrëfen se si protestuesit vlonjatë kanë rrethuar godinën e SHIK-ut, pas rënies së perandorisë së fajdeve. “Dhjetëra të plagosur, Ushtria në alarm”, që lexohet në nëntitullin e madh, është kronikë gati e përditshme e atyre kohëve.
Vini re, reklama e paguar e firmës “Kambo Marshall” zë një pjesë të konsiderueshme të faqes së parë të gazetës. Siç tha dikush: bashkëvuajtës dhe bashkëfajtorë./GSH
