Dy qytete të Shqipërisë, Vlora dhe Lushnja, u tronditën në orët e para të mëngjesit të sotëm nga dy vrasje.
Në të dyja ngjarjet janë përdorur armët automatik dhe sipas Artan Hoxhës AK-47 është “kolera” që po merr jetët e të rinjve, e jo të atyre që janë sëmurë apo të moshuarve.
Në një postim në rrjetet sociale, Hoxha shton se kjo “kolerë” nuk luftohet as duke pritur vaksinat në Rinas e as duke mallkuar me “kokat hëngshin”, teksa ironizon kryeministrin Rama duke thënë se me shumë vrull ka nisur ky mandat i tretë.
“AK-47 “pandemia” e vertete qe po merr jetet e shqiptareve….
Kjo “kolere” po merr jetet e të rinjve, jo jetet e të semureve apo te moshuareve…
Dhe nuk luftohet as duke pritur vaksinat në Rinas dhe as duke mallkuar me “kokat hëngshin”…
Komandant, si shume me “vrull” ka nisur ky mandati i trete???!!!!
Ndale pak hapin, se nuk po i hyn tmerri vetem popullit, por edhe AK-47 vet për rendimentin e larte të vdekshmerisë….”, shkruan Hoxha./Opinion.al
