Është identifikuar shoferi i makinës tip “Audi”, i cili mbrëmjen e sotme ra nga mbikalimi i Saukut duke goditur dhe një automjet tjetër tip “Honda”.
Sipas “Klan News” se shoferi është 24-vjeçari Klevis Ruçaj, ndërsa drejtuesi i makinës “Honda” është identifikuar si Qemal Kurti, 60 vjeç.
Dy viktima dhe tre të plagosur është bilanci këtij aksidenti të rëndë. Deri më tani nuk janë identifikuar dy shtetaset që humbën jetën.
Policia bën me dije se automjeti tip “Audi” me drejtues shtetasin Klevis Ruçaj ka qenë duke udhëtuar ne unazën lindore me drejtim lëvizje nga Farka për tek rrethrrotullimi pranë TEG, dhe pasi ka humbur kontrollin, duke thyer barrierat rrethuese te mbikalimit, ka përfunduar në autostradën Tiranë-Elbasan, duke aksidentuar automjetin tjetër tip “Honda”, me drejtues shtetasin me Qemal Kurti.
Si pasojë e aksidentit rrugor kanë humbur jetën dy shtetase të pa identifikuara akoma, të cilat ishin pasagjere ne automjetin “Audi” si dhe ka mbetur i dëmtuar rëndë drejtuesi i këtij automjeti. Po ashtu, të plagosur kanë mbetur edhe shtetasit A. K., 51 vjeç, O. K, 24 dhe Qemal Kurti, rreth 60 vjeç, që udhetonin me automjetin tjetër.
