Një 44-vjeçar është shpallur në kërkim nga policia pasi gjatë kontrollit në stanin e tij në lagjen “Savër”, iu gjetën 1 armë zjarri automatik, 2 silenciatorë, kallëp tritoli, 1 fitil zjarrpërcjellës, 1 granatë difensive, 2 radio dore marrëse dhënëse.
Pronari i stanit, Marjan H. 44 vjeç është shpallur në kërkim nga policia. Uniformat blu kishin marrë informacion për arsenalin e armëve që mbahej i fshehur në këtë stan.
“Po nga këto struktura u bë shpallja në kërkim dhe po punohet për kapjen e shtetasit M. H., 44 vjeç, banues në Lushnjë, pasi gjatë kontrollit të ushtruar në stanin e tij në lagjen “Savër”, Lushnjë, u gjetën 1 armë zjarri automatik, 12 krëhëra pistolete dhe automatiku, 179 fishekë pistolete dhe automatiku, 2 silenciator dhe 1 tytë e montuar, 3 shula automatiku, 1 kallëp tritoli, 1 fitil zjarrpërcjellës, 1 granatë difensive, 2 radio dore marrëse dhënëse.
Gjithashtu, në këtë objekt janë gjetur dhe sekuestruar 42 thasë me fara luledielli, të cilat dyshohen se i ka vjedhur më datën 11.10.2021, në fshatin Gramsh, Lushnjë”, njofton policia.
